Sunday, January 10, 2010

മൊംബാസാ തീരത്ത്[കെനിയ]

എന്നും മൃഗങ്ങളും,പക്ഷികളും ആണ് എന്റെ വിഷയം.ഇന്നു ഒരു മാറ്റം ആകട്ടെ എന്നു കരുതി.ഈ വര്‍ഷംക്രിസ്തുമസ്സ് ഒഴിവുകാലം ആഘോഷിച്ചത് കെനിയായുടെ തീരപ്രദേശത്താണ്. 


Mombasa [കെനിയയുടെ port ഇവിടെയാണ്] യിലെ അതിമനോഹരമായ white and silversand beaches   പ്രസിഗ്ദ്ധമാണ്.

നെയ് റോബിയില്‍ നിന്നു കാറില്‍ ഏകദേശം 8 മണിക്കൂറെടുത്തു മൊംബാസയിലെത്തി ചേരാന്‍.ഒരു വിധം വലിയ പട്ടണം.നെയ്റോബിയേക്കാള്‍ ഇവിടം സുരക്ഷിതമാണ്. രാത്രിയിലും ജനം ഭയമില്ലാതെ റോടില്‍ നടക്കുന്നത് ശ്രദ്ധിച്ചു.ഇവിടെ അധികം പേരും Arabs ആണ്.തണുത്ത കാലാവസ്ഥ ശീലിച്ച നെയ് റോബിവാസികള്‍ക്ക് മൊംബാസയിലെ ചൂട് അസഹനീയമായി തോന്നി.


                                                   Mombasa Clubല്‍ നിന്നുള്ള view


പിറ്റേ ദിവസ്സം Dolphin spotting tour നായി ബുക്ക് ചെയ്തിരുന്നു.രാവിലെ 6.30മണിക്ക് ഞങ്ങളെ കൊണ്ടു പോകാനായി വാന്‍ എത്തി.താമസ്സിച്ചിരുന്ന മൊംബാസ ക്ലബ്ബില്‍ നിന്നു രണ്ട് മണിക്കൂര്‍ യാത്ര ചെയ്തു ഷിമോണി slave cave ല്‍ എത്തി.പണ്ട്  ഈ ഗുഹയില്‍ പുറമേക്കു കടത്തികൊണ്ട് പോകേണ്ട അടിമകളെ ബന്ധിച്ചിരുന്നുവത്രെ.



                                                                  Shimoni Cave

                                           
.അവരെ ബന്ധിക്കാനുപയോഗിച്ച ഹുക്കുകള്‍ ,ചങ്ങല കഷ്ണങ്ങല്‍,ഗുഹയുടെ wallല്‍ ഇന്നും ഉണ്ട്.


breakfast ആയി   ഫ്രൂട്ട് സും,എള്ളുണ്ടയും!,ചായയും അവിടെ ഒരുക്കിയിരുന്നു.

അടുത്ത യാത്ര ഷിമോണി pierല്‍ നിന്ന് dhowല്‍  [വലിയ വഞ്ചിയെന്നോ പായക്കപ്പലെന്നോ പറയാം] ആണ്. ഇരിക്കാനും,കിടക്കാനുമൊക്കെയായി കുഷ്യന്‍ നിരത്തിയ അറബ് സ്റ്റൈലിലുള്ള ഇരിപ്പിടങ്ങള്‍.ഞങ്ങളും,കൂട്ടുകാരും,പിന്നെ കുറെ വെള്ളക്കാരുമുണ്ടായിരുന്നു ഈ Dhowവില്‍.

                                                              
                                                                dhow 


മനോഹരമായ നീല നിറത്തിലുള്ള കടലും ,കുളിരുകോരുന്ന  കടല്‍കാറ്റും വളരെ ഉന്മേഷം നല്‍കി.ആദ്യമായാണ് നീലനിറമുള്ള കടല്‍ കാണുന്നത്.


                                             dhow sailing

Kisite Marine Park ലേക്കാണ് യാത്ര--ഇത് മൊംബാസയില്‍ നിന്നു 75 മൈല്‍ തെക്കു വശത്താണ്..ഇവിടം വളരെ shallow ആയതിനാല്‍,snorkelingനും,scuba divingനും പറ്റിയതാണ്.


                                                              Dolphins

പെട്ടെന്നാണ് dolphins പ്രത്യക്ഷപ്പെട്ടത്-dhowനു ചുറ്റും ഞങ്ങള്‍ക്കായി ഒരു dolphin show തന്നെ അവര്‍ പ്രദര്‍ശിപ്പിച്ചു!!പല ചെറിയ കൂട്ടങ്ങളായി അവര്‍ വന്നും പോയും,ഞങ്ങളെ ഉത്സുകരാക്കി.തികച്ചും സന്തോഷം നല്‍കിയ ഒരു അനുഭവമായിരുന്നു അത്.ഏതാണ്ട് അര മണിക്കൂറിനു ശേഷം അവര്‍ അപ്രത്യക്ഷമായി.



                                                                       Dolphins


 kisite marine park എത്താറായെന്നും, സ്നോര്‍കെളിങ്ങ്ഉം, ഡൈവിങ്ങും ചെയ്യാനാഗ്രഹിക്കുന്നവര്‍ അതിനുള്ള ഉപകരണങ്ങള്‍ ധരിക്കുവാനും നിര്‍ദ്ദേശം കിട്ടി. diversനു മാസ്ക്കും,ഫിന്‍സും, ഓക്സിജെന്‍ സിലിണ്ടറും നല്‍കി. സ്നോര്‍കെളിങ്ങിനെ കുറിച്ചു അറിവൊന്നും ഇല്ലെങ്കിലും ഞാന്‍ മുന്‍പന്തിയില്‍നിന്നു.

സ്നോര്‍കെളിങ്ങിനുപയോഗിക്കുന്ന മാസ്ക് ഏതാണ്ട് സ്വിമ്മിങ്ങ് gogglesപോലെയാണ്-മൂക്കും cover ചെയ്ത് വെള്ളം ഉള്ളില്‍ കടക്കാതിരിക്കാന്‍ നല്ല seal ഉണ്ട്-വലത്തു വശത്തുള്ള strapല്‍ ഏതാണ്ട് ഒന്നര അടി നീളമുള്ള ഒരു പ്ലാസ്റ്റിക് ട്യൂബ്ണ്ട്-അതു വായില്‍ വെച്ചാണ് ശ്വസിക്കുന്നത്. സ്നോര്‍കെളിങ്ങ് ചെയ്യുന്നവര്‍ക് വെള്ളത്തില്‍ പൊങ്ങികിടന്നു ,താഴെയുള്ള marine life കാണാം-താഴെ പോകണമെങ്കില്‍ ശ്വാസം പിടിക്കണം.ഇവിടെ ഏതാണ്ട് 5-6 മീറ്റര്‍ താഴ്ച കാണും.



 

                                                               snorkeling



താഴേക്കു നോക്കിയപ്പോള്‍ കണ്ട കാഴ്ച അവിശ്വസനീയമാണ്-വാക്കുകളാല്‍ വര്‍ണ്ണിക്കാനാവില്ല.under water camera ഇല്ലായിരുന്നല്ലോ എന്ന ദുഖം ഇന്നും ഉണ്ട്.താഴെ ഒരു gigantic aquarium തന്നെ ആയിരുന്നു.വിവിധ വര്‍ണങ്ങളിലുള്ള മീനുകളും സമുദ്ര ജീവികളും.[250 തരം marine fishes ഇവിടെ ഉണ്ടത്രെ]  പല രൂപങ്ങളില്‍ coral reefs[45 തരം coral species ഇവിടെ കണ്ടു വരുന്നു].





                                                                Wasini island



mushroom,stag horn,pencil,..ഈ  ആകൃതികളിലുള്ള കോറലുകള്‍ വളരെ കൌതുകം ഉണ്ടാക്കി.പണ്ട് പഠിച്ച  zoology വിഗ്ഞാനം ഒന്നു പൊടിതട്ടി നോക്കി-സഹായി ഞാന്‍ ചോദിച്ച ജീവികളെയൊക്കെ താഴെപോയി വിരല്‍ ചൂണ്ടി കാണിച്ചു തന്നു.star fishനെ എടുത്തു എന്റെ കൈയ്യില്‍ വെച്ചു തന്നു!!ജീവനുള്ള  ശംഖ് താഴെനിന്ന് എടുത്തു കാണിച്ചു.കറുത്ത sea urchinനെ ചൂണ്ടി കാണിച്ചു തന്നു-


ചെറുപ്പകാലത്ത് ഈ കടല്‍ചേനയുടെ മുള്ളുകള്‍ കന്യാകുമാരിയില്‍ നിന്നു കൊണ്ടുവന്നത് സ്ലേറ്റ്പെന്‍സില്‍ ആയി ഉപയോഗിച്ചതോര്‍മ്മ വന്നു.ഒരു മണിക്കൂരോളം നീണ്ടു നിന്ന ഈ അനുഭവം ജീവിതത്തിലൊരിക്കലും മറക്കാനാവില്ല.



                                          lunch in Wasini island
  
അടുത്ത യാത്ര ഉച്ചഭക്ഷണത്തിനായി വാസിനി ഐലണ്ടിലേക്കായിരുന്നു. വാസിനി ഐലണ്ട് അടുത്തപ്പോള്‍, എല്ലാവരേയും dhowല്‍ നിന്നു ചെറിയ വഞ്ചിയിലേക്കു മാറ്റി.ഏതാണ്ട് 5കിലോമീറ്റര്‍ നീണ്ടു കിടക്കുന്ന ഈ ഐലണ്ടില്‍ റോടോ,വാഹനങ്ങളോ ഇല്ല.അവിടേയുള്ള ഏക ഹോട്ടലായ Charlie Clawsല്‍ ആയിരുന്നു ഉച്ച ഭക്ഷണം.steamed crab ആണ് അവിടെത്തെ delicacy.


                                Board walk -in coral reef garden


ഭക്ഷണത്തിനു ശേഷം ഞങ്ങള്‍ അവിടെയുള്ള ഗ്രാമവും, അതിനടുത്തുള്ള coral gardenനും സന്ദര്‍ശിക്കാനിറങ്ങി. പരന്നു കിടക്കുന്ന വലിയ വലിയ പാറക്കെട്ടുകള്‍ പോലെയുള്ള coral reef അതിശയജനകമാണ്.high tideല്‍ ഇതെല്ലാം വെള്ളത്തില്‍ മുങ്ങുമെന്നു ഗൈഡ് പറയുകയുണ്ടായി.

                                                             coral reef garden


വൈകുന്നേരം 4.30മണിയോടെ തിരിച്ചു കൊണ്ടുപോകാനുള്ള ബോട്ട് എത്തി .തിരിച്ചു പോരാന്‍ മനസ്സു സമ്മതിക്കുന്നില്ലായിരുന്നു.വീണ്ടും വരാമെന്ന പ്രത്യാശയോടെ മടക്കയാത്രക്കൊരുങ്ങി.


മൊംബാസയില്‍ നിന്നും വാങ്ങിയ കോറലും,സ്റ്റാര്‍ ഫിഷും

നാളെ യാത്ര Diani beach ലേക്കാണ്-അവിടെത്തെ വിശേഷം പിന്നീടൊരിക്കലാകാം