Monday, August 24, 2009

Kilimanjaro മലയുടെ താഴ്വരയില്‍--Tanzania[country]

                                കിളിമന്ജാരൊ മല--വിട്ടില്‍ നിന്നുള്ള view

2002ലാന്നു - ആഫ്രിക്കയിലെ [ടാന്‍സാനിയയില്‍] ഒരു കെമിക്കല്‍ ഫാക്ടറി in charge ആയി mdയ്ക്ക്  ഒരു offer വരുകയുണ്ടായി.അന്നു ആഫ്രിക്ക എന്ന പേരു കെട്ടാല്‍ മനസ്സില്‍ വരുന്നതു-അസുഖങ്ങളും,പട്ടിണിയും,നിറഞ്ഞ ഒരു ഇരുണ്ട ഭൂഖണ്ടമാണ്.




അതുകൊണ്ടു തന്നെ ഒരുപാടു അന്വേഷണത്തിനു ശേഷമാണു ഒരു തീരുമാനത്തിലെത്തിയത്-ഒരു മാറ്റം അനിര്‍വാര്യമെന്നു തോന്നിയിരുന്നു-25 വര്‍ഷത്തിലധികമായി ബോബെയിലെ തിരക്കേറിയ ജീവിതം ഒരു saturation pointല്‍എത്തിയ പോലെ.മോന്റെ വിദ്യാഭ്യാസത്തിനായി , ഞാന്‍ ബോംബയില്‍ ഒരു വര്‍ഷം തുടരാമെന്നു വെച്ചു.



ഒരു ഒഴിവുകാലത്താനു എന്റെ ആദ്യത്തെ ടാന്‍സാനിയാ സന്ദര്‍ശനം. കിളിമഞ്ചാരൊ മലയുടെ താഴ്വരയിലെ മനോഹരമായ മോഷി എന്ന ചെറിയ ടൌണിലാണു ഞങ്ങള്‍താമസ്സിച്ചിരുന്നത്.റോടിനു ഇരുവശത്തും പര്‍പിള്‍ നിറത്തില്‍ പൂത്തുലഞ്ഞു നില്‍ക്കുന്ന ജാക്കറാണ്ടാ   വൃക്ഷങ്ങല്‍ കണ്ണിനു കുളിര്‍മ പകര്‍ന്നു.





                                    ഫ്ലോറ,ആന്റണി,ഐറിന്‍



കാറില്‍ നിന്നെറങ്ങിയപ്പോള്‍ ജാംബോ[ഹലൊ] എന്നു പറ്ഞ്ഞു ഓടിയെത്തി Johnഉം, Floraഉം. T-shirtഉം shortsഉം ആണ് ജോണിന്റെ വേഷം.ഫ്ലോറ skirtഉം,blouseഉം. ജോണ്‍ ബംഗ്ലാവിന്റെ തോട്ടക്കാരനും, ഫ്ലോറ വീട്ടുജോലിക്കാരിയും [house girl] ആണ്.



വീടിന്റെ മുന്നില്‍ വലിയ പൂന്തോട്ടം.പുറകുവശത്തായി ജോണ്‍-ഫ്ലോറ യും അവരുടെ മൂന്നു കുട്ടികളും താമസ്സിക്കുന്ന വീട്.അതിന്റെ പുറകില്‍ ഒരു നായക്കൂട്.അതില്‍ ടോമി എന്ന ഉഗ്രന്‍ ദേഷ്യക്കാരനും ,അവന്റെ കൂട്ടുകാരി ഹാപ്പിയുമാന്നു താമസ്സം.



തണുത്ത കാലവസ്ഥ.വീടില്‍ നിന്നാല്‍  കിളിമന്‍ജാരോ മലയുടെ ice cap കാണാം.



Ex patriots ആയി ഏതാണ്ടു പത്തു കുടുബങ്ങള്‍ കാണും.മലയാളിയായി ഞ്ങ്ങള്‍ മാത്രം. Swahili യാണു ഭാഷ.ചിലര്‍ക് ഇംഗ്ലീഷ് അറിയാം. കിളിമഞ്ചാരോ മല കയറാനെത്തുന്ന  ധാരാളം  Europeans  ഉണ്ടവിടെ.



ഇന്ത്യന്‍ പലചരക്കു കിട്ടുന്ന ഒന്നു രണ്ടു കടകള്‍ മാത്രം.മോഷിയില്‍ നിന്നു 45 മിനുട്ടു യാത്ര ചെയ്താല്‍ അരുഷ എന്ന വലിയ ടൌണില്‍ എത്തും.അവിടെ ധാരാളം ഇന്ത്യക്കാരുണ്ട്.


ഫ്ലോറക്കും,ജോണിനും ഇംഗ്ലീഷ് അറിയുന്നതിനാല്‍ എനിക്കു അധികം ബുദ്ധിമുട്ടില്ലായിരുന്നു.പക്ഷെ മാര്‍ക്കറ്റില്‍ എല്ലാവരും സ്വാഹിളിയിലായിരുന്നു സംസാരിക്കുന്നത്.ഞാന്‍ ഒരു ഇംഗ്ലീഷ്-സ്വാഹിളി പുസ്തകം വാങ്ങി കുറച്ചൊക്കെ പറയാന്‍ ശ്രമിച്ചു. 



ആഫ്രിക്കയിലെ വീട്ടുജോലിക്കാരുടെ ജോലിയിലുള്ള ആത്മാര്‍തതയെക്കുറിച്ചു പറയാതിരിക്കാന്‍ വയ്യ.ഫ്ലോറ എല്ലാ വീട്ടുജോലിയും എന്റെ ഒരു നിര്‍ദ്ദേശവും ഇല്ലാതെ ചെയ്യുമായിരുന്നു.ഏതാണ്ടു എല്ലാ ഇന്ത്യന്‍ വിഭവങ്ങളും പാചകം ചെയ്യുമായിരുന്നു.ironing cooking,dusting,polishing shoes....ഇതെല്ലാം ഫ്ലോറ ക്രിത്യനിഷ്ട്തയോടെ ചെയ്യുന്നതു ഞാന്‍ അതിശയത്തോടെ നോക്കി നിന്നു


 അവരുടെ ഭക്ഷണം ഉഗാളി[ചോളപൊടി ഉപ്പുമാവും non veg, ഇലക്കറികളും, കേബേജും ഒക്കെ ആണ്. മുളകും, മസാലയും ഉപയോഗിക്കില്ല. കാലക്രമേണ നമ്മളുടെ ഭക്ഷണം അവര്‍ കഴിക്കാന്‍ തുടങ്ങി.


ഫ്ലോറ യുടെ ചെറിയ കുട്ടി ആന്റണിക്കു അന്നു 3വയസ്സു കാണും.അവനായിരുന്നു എന്റെ സ്വാഹിളി tutor.ഞാന്‍ അവനോടു ചോദിക്കുംയേ നിനി’[what is this]എന്ന്-അങ്ങിനെ ഞങ്ങല്‍ പരസ്പരം സ്വാഹിളി-ഇംഗ്ലീഷ് കൈമാറി.അവന്റെ ചേച്ചിമാര്‍ക്കു അന്നു 9ഉം,7ഉം വയസ്സു കാണും.അവര്‍ സ്കൂളില്‍ പോയാല്‍അവനെത്തും.അവന്‍ പാലും ബ്രെഡ്ഡും എന്റെ അടുത്തു നിന്നു കഴിക്കും.പിന്നെ നായക്കളെ നടത്തലും പച്ചക്കറിത്തോട്ടം നോക്കലുമൊക്കെയാനു ഞങ്ങളുടെ നേരമ്പോക്ക്. 


അവന്റെ ചേച്ചിമാര്‍ എനിക്കു ഞാവല്‍ പഴം പറിച്ചു തരുമായിരുന്നു.അവരുടെ പിറന്നാള്‍ ദിവസ്സം ഞാന്‍ കേക്ക് ഉണ്ടാക്കി കൊടുക്കുമായിരുന്നു.


ടാന്‍സ്സാനിയയിലെ ജനങ്ങല്‍ വളെരെ ഭവ്യത ഉള്ളവരാണ്.ഞങ്ങല്‍ പുറത്തു വൈകുന്നേരം നടക്കാന്‍ ഇറങ്ങുമ്പോള്‍ പരിചയമില്ലാത്തവര്‍ പോലും ജാന്‍ബോ,അബാരി യാക്കോ[how are you]എന്നു wish ചെയ്യാറുണ്ട്.കൊള്ളയും പിടിച്ചുപറിയും മറ്റു ആഫ്രിക്കന്‍ നാടുകളേക്കാള്‍ കുറവാനിവിടെ.


അവിടത്തെ Gorongoro craterലോകത്തിലെ തന്നേ പ്രശസ്തിയാര്‍ജിച്ച   ഗെയിം പാര്‍ക്ക് ആണ്.

                                                                    national park

ഒരു volcanic eruption കൊണ്ടു ഉണ്ടായ ,60square miles diameterമുള്ള crater ഒരു Noah's Ark  തന്നെയാണ്. 


ആനക്കുട്ടങ്ങളും,ജിറാഫും,സിംഹവും,പുള്ളിപുലിയും,മാനുകളും, 
കാട്ടുപോത്തും,.ഒക്കെനിറഞ്ഞ ഒരു പുല്‍മൈദാനം..കാറില്‍ ഇരുന്നു   മൃഗങ്ങളെ കാണാം


അവിടെയുള്ള Manyara lakeഉം,Serengeti national parkഉം,Zanzibar Islandഉം വിനോദയാത്ര കേന്ദ്രങ്ങളാണ്.



     


മൂന്നു വര്‍ഷം കഴിഞ്ഞപ്പോള്‍ mdയ്ക് കെനിയയിലെ head officeലേക്ക് മാറ്റ്മായി.ഫ്ലോറ-ജോണ്‍ കുടുംബത്തോടു യാത്ര പറയുംബോള്‍ ഞങ്ങളുടെ മനസ്സു വിങ്ങി.ഫ്ലോറയുടെ കരച്ചില്‍ എന്റെ കണ്ണു നിറച്ചു.

പിന്നീടു രണ്ടു വര്‍ഷത്തിനു ശേഷം മോഷി സന്ദര്‍ശിക്കാന്‍ എനിക്കൊരവസരം കിട്ടി.ഞാന്‍ ഫ്ലോറ-ജോണ്‍ കുടുംബത്തെ കാണാന്‍ ആഗ്രഹിച്ചു.അവര്‍ അരുഷയിലേക്കു ജോലിതേടി പൊയെന്നു പലരും പറഞ്ഞു. ഞങ്ങള്‍ അന്നു താമസ്സിച്ചതുസല്‍ സലിനേരൊഎന്ന ഹോട്ടലിലാണു.ഹോട്ടല്‍ റൂമില്‍ നിന്നാല്‍ ഞങ്ങല്‍ പണ്ടു താമസ്സിച്ചിരുന്ന വില്ല കാണാം.പുലര്‍ചെ ഞാന്‍ വില്ലയില്‍ നോക്കി വെറുതെ ഒന്നാശിച്ചു- കുട്ടികളെ ഒന്നു കാണാന്‍ കഴിഞ്ഞെങ്കില്‍ എന്നു. 


എന്നെ അതിശയിപ്പിച്ചു കൊണ്ടു അവരുടെ മൂത്ത മകള്‍ രെജീന എന്റെ പേരു വിളിച്ചു മതിലിനടുത്തേക്കു ഓടി വന്നു.പിന്നാലെ ഫ്ലോറയും ആന്റ്ണിയും.


അവരെ കണ്ടപ്പോള്‍ സന്തോഷത്തിലേറെ എനിക്കു ദുഖമാണു തോന്നിയതു.ജോലിയും ,ഭക്ഷണവും ഇല്ലാതെ അവര്‍ ഒരുപാടു ക്ഷീണിച്ചിരുന്നു.6മാസമായി വില്ലയില്‍ ആരും വാടകക്കു വന്നിട്ടില്ല.അതുകൊണ്ടു അവര്‍ക്കു ശബളം ഇല്ല.ജോണ്‍ ജോലി അന്വേഷിച്ചു അരുഷയില്‍ പോയിരിക്കുന്നു.വീട്ടുടമസ്ഥ കുറച്ചു ചോളപൊടി കൊടുക്കുന്നതിലാണു ജീവിതം.ഞങ്ങല്‍ കൈവശമുണ്ടായിരുന്ന ടാന്‍സാനിയാ ഷില്ലിങ്ങ് എല്ലാം അവര്‍ക്കു കൊടുത്തു. 


അവരുടെ സന്തോഷം കണ്ണുകളില്‍ തിളങ്ങി. തിരിച്ചു പോകുന്നതിനു മുന്നെ വീണ്ടും വരാമന്നു പറഞ്ഞു.


യാത്ര പറയാനായി ചെന്നപ്പൊള്‍ ഫ്ലോറ്യുടെ കൈയില്‍ ഒരു കടലാസ്സുപൊതിയുണ്ട്-അവിട്ത്തെ പറന്‍പില്‍   ഉണ്ടായ ആത്തച്ചക്കയും,ഒരു കറിവേപ്പിലച്ചെടിയും എനിക്കായി. മനസ്സില്‍ വല്ലാത്ത ഭാരം തോന്നി.

കുറച്ചു മാസങ്ങല്‍ക്കു ശേഷം വില്ലയില്‍ വെള്ളക്കാര്‍ വന്നെന്നും,ഫ്ലോറ കുടുംബം സന്തോഷമായി ജീവിക്കുന്നു എന്നും അറിയാന്‍ കഴിഞ്ഞു-എനിക്കാശ്വാസമായി.